Como axudar os nosos fillos e fillas nos estudios

Os dejo el artículo completo que he escrito para la revista COMUNIDADE publicado este mes de Noviembre.

https://sites.google.com/site/almacenderevistas/revistas/N08.pdf?attredirects=0&d=1

¿CÓMO AXUDAR AOS NOSOS/AS FILLOS/AS NOS ESTUDIOS?

Un dos problemas máis graves cos que se enfrontan os pais e nais de hoxe é o fracaso escolar dos seus fillos e fillas. Este problema non só pode influír na felicidade do/a fillo/a, na súa autoestima e no seu futuro, senón que tamén pode alterar o clima familiar. Os pais e as nais poden intervir de forma positiva no éxito escolar; recentes estudios mostran que a diferenza máis importante entre o éxito e o fracaso escolar recae na axuda e motivación recibida en casa por parte dos seus proxenitores.

Resulta case imposible poñerlles freos aos nenos e nenas con motivación, sentido da responsabilidade e capacidade de esforzo pois sairán ben parados na maioría das tarefas que acometan. A responsabilidade consiste na capacidade de tomar decisións dunha forma independente. É dicir, no caso dos fillos e fillas é o funcionamento no que xa non precisan os/as adultos/as para que lles digan en todo momento o que teñen que facer. Cun alto nivel de responsabilidade terán moitas máis posibilidades de render na escola. Os nenos e nenas aos que se lles ensina a ser responsables na casa, aprenden a organizar e asumi-las súas consecuencias dos seus actos. Cunha actitude positiva, unha forte motivación, unha gran vontade, ganas de esforzarse e desexo de triunfar, supéranse moitas dificultades e motivacións.

·         Organización do hábito de estudio.

A organización é un dos elementos máis importantes no estudio. O hábito acádase con constancia, co día a día.

O horario de estudio é diferente segundo a idade do/a estudante. Sempre que sexa posible, debe organizarse un horario regular de estudio, é dicir, o mesmo tempo cada día. Aínda que requira cambiarse o horario de vez en canto, debe procurarse mantelo o máximo de tempo posible. Os hábitos establécense a través da constancia e do tempo.

O plan de estudios semanal permite axustarse ás necesidades e tempo dispoñibles. É recomendable realizar catros plans: xeral, planificación global de todo o curso; mensual, planificación do previsto durante un mes; semanal, planificación prevista durante a semana; e diario. Sempre tendo en conta que o descanso contribúe un maior aproveitamento e rendemento escolar.

Dispoñer dun lugar axeitado e tranquilo é un factor importantísimo xa que facilita o estudio, aumenta o rendemento e tamén faise máis agradable. Debe ser un lugar fixo e permanente, ventilado e cunha temperatura agradable. É de vital importancia controlar a postura do/a estudante, xa que co tempo as malas posturas poden carrear problemas.

·         A motivación ao estudio.

A motivación se desenrola pouco a pouco. Para desenvolvela cara os estudios, a función dos pais e nais deberá empezar por reforzar os logros dos fillos e fillas, fortalecendo a autoestima. Para conseguir motivar aos fillos/as débense usar como ferramentas a paciencia e unha comunicación afectiva. Mostrar respecto polos/as fillos/as, evitando ser excesivamente esixentes con eles/elas ou xulgalos/as continuamente.

O excesivo control ou a sobreprotección non son aliados para acadar este fin, pois non deixan que o fillo ou filla experimente e vexa as consecuencias dos seus actos. Cando os fillos/as teñen un dominio eficaz sobre os seus actos, que os entenden e valóranse capaces chegan máis fácil a automotivarse.

Recomendacións:

Identifique os comportamentos positivos e esforzos que fai o seus fillo ou filla.

Recoñeza os feitos concretos que realiza e non se perda nas xeneralidades.

Non garde os eloxios aos seus fillos/as pensando que facer as cousas ben é o seu deber.

Un aspecto fundamental para estimular a motivación do seu fillo/a é fortalecer a autoestima, pois se ten un bo concepto de si mesmo/a aceptará os retos da vida. Un ambiente familiar que respecte ao fillo/a como individuo que comprenda as súas necesidades e que lle rodee dun amor cálido e compresivo é o mellor sistema para acadar éxito académico e como persoa. Si o/a fillo/a sabe que os seus pais confían nel, el/ela tamén confiará en si mesmo/a.

Para fomentar a autoestima:

Comunique os/as fillos/as que disfruta da súa compañía.

Evitar comparacións entre irmáns  ou irmás, amigos/as.

Ante os erros : axuda e ánimos con mensaxes gratificantes.

Trato sincero, aceptando, respectando e con cariño desinteresado.